there is no greater power than the power of goodbye

Systir mín hefur ótrúlegt minni. Hún er bara ótrúleg. Pæjugeit. One-liner-master. Þegar ég kom með Goran heim í fyrsta sinn á útmánuðum 1999 kannaðist hún svo mikið við hann, hafði séð hann einhvers staðar áður. Ég gat ekki vitað hvar, hann var nýbyrjaður að leika í Bráðavaktinni en þeir þættir sem hann var í höfðu ekki verið sýndir hér heima enn og það var ekki fyrr en mörgum árum seinna, eftir að við hættum svo saman, að hún sá Practical magic. Ó Nei nei nei, það var í myndbandi með Madonnu, The power of goodbye, ... hann birtist kannski í 30 sekúndur í heildina, aldrei meira en 6-7 sek. í einu og hún mundi það. Ótrúleg. Þetta var skemmtilegur tími en svo skildu leiðir. Hann flutti til Ameríku til að meikaða og ég varð eftir í Evrópu, fylgdist með frægðarsól hans rísa úr fjarlægð. Við höldum enn sambandi, notum bara Skype-ið og MSN.

Ha? Vann ég? Ég átti sko ekki von á'essu!

Það fór þá aldrei verr en svo að Paris Hilton ætlar að safna peningum handa mér. Hún er svo góðhjörtuð þessi stúlka. Fangelsisdvölin hefur gert henni mjög gott blessuninni. Batnandi mönnum (konur eru líka menn) er best að lifa. Lengi lifi Paris, húrra, húrra, húrra, húrra!

Netpróf 6.03

Svo ótrúlega skörp og áreiðanleg þessi próf. Ég skil þetta ekki. Hvernig fara þeir að því að sjá að ég er harðasti naglinn í hverfinu útfrá því hvort ég telji sjálfa mig ævintýragjarna eða hvað ég hafi mikla samúð með öðrum. Ég er sko The new kid on the block með harðann skráp! Marky Mark má sko passa sig!

but remeber it was me and you

Ég var í vanda með að velja mér vinnustofu þegar ég var í sumarskólanum á Ítalíu þarna um árið. Leirgrímugerð? Ljósmyndun? Skólablaðið? Leiklist? Helst langaði mig í ljósmyndunina. Mér datt ekki í hug að skoða leiklistina eitthvað. Ég var svo feimin, vandræðaleg, óörugg og með lítið sjálfstraust. Ég gat ekkert leikið. Mér datt sko ekki í hug að skoða þann möguleika. Síðasta daginn sem valið var opið hitti ég Lauru á ganginum fyrir utan íþróttasalinn. Hún spurði hvort ég væri búin að ákveða í hvaða vinnustofu ég ætlaði. Nei, ég var enn að reyna að velja á milli ljósmyndunar og leirgrímugerðarinnar. Ó, finnst þér það ekki soldið öruggt? spurði Laura. Hefurðu ekkert spáð í leiklistarhópinn? hélt hún áfram. Nei, ég á ekkert erindi þangað, er of feimin og óörugg svaraði ég. Nú, þá er einmitt mál að taka áhættu og ögra sjálfum sér svolítið sagði Laura og þar með var það ákveðið. Ég sé sko ekki eftir því. Næstu fjórar vikur skipa sér á topp þrjú í kladdanum hjá mér yfir skemmtilegasta tímabil í lífi mínu. Það var svo gaman. Ég kynntist svo skemmtilegu fólki.

Peningar

Soldið skemmtileg fréttin á mbl.is um kennarann sem gaf öll launin sín til góðgerðarmála. Þegar ég las fyrirsögnina datt mér strax í hug að fréttin væru um gamlan mann sem væri nú dáinn og hefði gefið launin sín því hann átti enga fjölskyldu. Nei, rangt. Hann er ekki gamall þessi maður og á örugglega fjölskyldu. Hann hefur efni á að gefa launin sín því hann er sjóðstjóri hjá banka. Bankar eru á einkamarkaði og eigendur þeirra geta gert það sem þeir vilja með peningana sína. Reyndar borga þeir bara toppunum almennilega. Hvað ætli gjaldkeri fái í laun á mánuði? Stjórarnir eru allir með meira en milljón á mánuði, svo mikið veit ég. Og gjaldkerar eru heppnir ef þeir skríða yfir 200.000 kr.markið um hver mánaðamót, held ég. En gott að hann er gjafmildur. Ekki misskilja mig, mér finnst þetta aðdáunarvert framtak en kennaralaunin hans eru örugglega ekki nema svona 1/72 af heildartekjunum hans. Það er eins og ég gæfi .... (heilinn á fullu að reikan) ... ég ræð ekki við svona háar tölur. En ég óska þess að fleiri hálaunamenn í samfélaginu taki hann sér til fyrirmyndar. Best ef það væri svo nú þegar, hinir vildu bara fara leynt með það ;o) En það þarf víst ekki að vera á einkamarkaði til að fá feitann launatékka 1. í mánuði. Friðrik Sophusson er forstjóri Landsvirkjunnar (ríkisfyrirtæki) og fær skitna milljón í laun á mánuði, minnir mig. En það er víst ekki nóg fyrir hann. Hann var einu sinni ráðherra og á þess vegna rétt á eftirlaunum, eins og allir sem vinna hjá Ríkinu. Hann var ráðherra í nokkur ár svo hann á frekar há eftirlaun inni (ráðherralaunin eru svo ljómandi ágæt, réttilega). Það sem mér þykri ósvífið er að hann þiggur þessi eftirlaun á meðan hann er í mjög hálaunuðu starfi hjá Landsvirkjun (Ríkinu).

And I did it again

Sko, ef ég held áfram að setja færslur á "hina" síðuna sem ég set sjaldan færslur á eyk ég pressuna á sjálfa mig í maraþonhlaupinu ( Takk Halla fyrir góðar kveðjur og hvattningu). Eftir því sem fleiri færslur birtast þar þarf ég að skrifa oftar hér. Mér til mikillar furðu sá ég að það hafði fjölgað um einafærslu á "hinni" síðunni í dag. Ég var ofsalega hissa. ,,Hummmm, hver ætli hafi verið að skrifa?" hugsaði ég með mér furðu lostin. Skoðaði málið og þá var þetta ég sjálf. Er ekki allt í lagi heima hjá mér? Ljósin kveikt en enginn heima? ~~~ Mikið var ég þakklát fyrir njósnahæfileika mína í dag. Ég hafði nefnilega gloprað niður slóðinni á blogg tveggja vinkvenna minna og ekki geta fylgst með þeim í nokkurn tíma. En ég er svo mikill njósnari, Norn 007 en kallaðu mig bara Valdimar, að ég sá að önnur þeirra hafði komið á síðuna mína af síðunni sinni og þá var eftirleikurinn auðveldur. Nú hef ég samviskusamlega bætt þeim í daglega leshringinn og sett þær á krækjulistann. Sem er gott. Njótið sumarsins!

The Judges will decide - The winner takes it all

ABBA
- Agneta - Björn - Benny - Anni Frid
REM - Rapid eye movement
EMF - Epsom Mad Funkers (eða hvað annað sem þér dettur í hug: Every Mother's Favourite, Eat My Fetus, English Mother Fuckers, Ecstasy Mother Fuckers, Ei Mig Færðu, Ef Mold Fýkur o.s.frv.) OMD - Orchestral manoeuvres in the dark
ELO - Electric light orchestra
Þetta var ekki erfitt, en skemmtilegt. Mér finnst OMD best. Algerlega fáránlegt nafn á hljómsveit en mjög kúl.

The Subject of Language

Gaman að sjá að það er fólk sem deilir þessum málfræðiáhuga með mér. Bara síðast í morgun ræddi ég áhuga minn á að fara í framhaldsnám í málvísindum til útlanda, jafnvel til Hafnar líkt og forfeður okkar gerðu á 19.öld til að ná sér í æðri menntun, auðga andann og nema hina flóknu list öldrykkju.

Málfræði

Afa mínum finnst málfræði ofsalega leiðinleg. Hann getur nöldrað yfir henni tímunum saman. Af hverju er ekki skrifað -i- í sögninni mega? Af hverju segir maður ekki á vetrin? Af hverju er þetta svona en ekki hinsegin? Ég tek þátt í þessu með honum af mikilli gleði, sem andmælandi. Annað sem ég hef gaman af að bulla með afa eru kúkabrandarar. Sá áhugi er víst talinn koma langt aftan úr ættum, frá Haugi. Þegar ég kenndi afa nýju sögnina frúka um daginn sameinaði ég tvo hluti sem við höfum bæði gaman af. Bróðir minn deilir þessum áhuga á íslenskri málfræði með okkur afa. Þegar hann var í ÍSL203 í FSu (sjáið þið skammstafanirnar? oh) lærði hann um veika og sterka beygingu sagna. Veikar sagnir hafa reglulega beygingu en sterkar hafa óreglulega. Veikar sagnir taka einfaldar beygingarendingar og hafa bara þrjár kennimyndir. Dæmi: ropa - ropaði -ropað. Kúka er veik sögn. Hefur þar af leiðandi bara þrjár kennimyndir: kúka - kúkaði - kúkað. Eitt dimmt vetrarkvöld við borðstofuborðið hjá ömmu og afa tók drengurinn, sem er jú ættaður frá Haugi, upp á því að beygja fyrrnefnda sögn sterkt sér til gamans. Sterk beyging hefur nánast alltaf í för með sér hljóðbreytingu í stofni og hefur fjórar kennimyndir þess vegna. Dæmi: Súpa - saup - supum - sopið. Eftir vangaveltur og rannsóknarvinnu sá hann ljósið. Kúka - kauk - kukum - kokið.

follow me, don't follow me

Undarlegt með frændsemi og ættrækni. Ein góð vinkona mín er dóttir dóttur bróður hennar ömmu minnar. Við þekkjumst vel því við erum frænkur.Börnin okkar munu koma til með að leika sér saman. Einn annar vinur minn er reyndar sonur systur hans afa. Solla frænka, utanríkisráðherra, er dóttir bróður langafa míns. Rúnar Kristins knattspyrnuleikmaður er sonur dóttur systur hennar ömmu. Allt þetta veit ég því samskiptin í móðurfjölskyldum mínum eru mikil, þar er lögð áhersla á frændsemi og ættrækni. Og mér þykir það eðlilegt. Eiríkur vinur minn góði er til dæmis sonur sonar bróður hans langafa míns. Grétar og Steindór Guðmundssynir eru líka synir sonar bróður hans langafa, bara ekki sama bróður og Eiríkur, eða Solla. Langafi og bræður hans voru sko 9 og 2 systur. Rósa Sif er líka frænka mín en ég kann ekki vel að segja frá því hvernig því það er svo langt aftur í ættum, þær mamma eru sexmenningar. Teitur og Flóki félagar mínir væru flokkaðir sem frændur mínir og ég hefði vitað það frá fystu tíð ef þeir væri skyldir mér í móðurlegginn, sem þeir eru ekki. Við erum reyndar fjórmenningar; Lovísa langamma þeirra bræðra og Jón Ásgeir langafi minn voru systkin. Þetta get ég rakið því ég hef Íslendingabók. Íslendingabók er stórmerkilegt fyrirbæri. Einstakt gæti ég trúað. Líklega jafn einstakt og þessi áhugi á ættum fólks. Hverra manna er hann? spyrja amma og afi gjarnan. Ættartölur og fjölskyldutré eru til í mörgum bindum á mörgum heimilum. Ég vona að þessi viska leggist ekki af. Auðvitað fer Íslendingum fjölgandi og þá verður erfiðara að halda utanum þetta allt. Það er gaman að velta því fyrir sér hvaðan upplýsingarnar um mann í Íslendingabók eru fengnar. Um mig? Úr Vigurættinni. Sem er sú ættartala sem ég kann minnst skil á og þekki einna síst til, enda föðurafameginn. Auk Vigurættarinnar er ég í Víkingslækjarætt, Bergsætt, Galtarætt og held meira að segja í Reykjaættinni. Mér finnst ég að mestum hluta úr Flóanum en á víst ættir að rekja austur í Rangárþing og vestur á Firði.

Tölvuvirkni virkar

Var að fá barnið úr viðgerð. Hún var lögð inn uppúr hádegi á föstudag og útskrifuð strax í morgun. Ég veit ekki með ykkur en það þykir mér frábær þjónusta. Tölvuvirkni rúlar. Þeir mættu samt fara meira út á meðal fólks strákarnir sem vinna þar ;o) Nú malar hún hljóðlátt og er 0.1 sek að því sem ég segi henni að gera. Þvílíkur munur. Djöfuls vesen samt því nú þarf ég að setja öll forrit upp aftur. Ég auglýsi hér með eftir færum tölvutöffara sem nennir að setja upp nokkur forrit fyrir mig. Ég get ekki boðið mikla borgun fyrir, kannski einn kaldan megrunarbjór og toblerón með. Any takers?

Netpróf nr.2


What type of Fae are you?

Sunnudagsmorgunn

Sunnudagsmessan á Rás 1 í útvarpinu. Amma er komin út í garð að huga að sumarblómunum og afi situr inni við tölvuna að leggja kapal. Ömmustelpan er nývöknuð og borðar volgan hafragraut og kalt ristað brauð með eggi og osti og skolar öllu niður með nýlöguðu kaffi. Svona á lífið að vera!

Að frúka

Ben Stiller er stundum kallaður eiginmaður minn. Eingöngu sökum þess að pabbi hans er stundum sagður vera tengdapabbi minn en ég man ekki alveg hvers vegna það er. Ben, þessi elska, er einn fárra manna sem geta komið mér til að hlægja án þess að gera annað en líta á mig, jafnvel bara í áttina til mína. Ben er fyrstu á listanum yfir þá þrjá hluti sem ég get alltaf hlegið að. Hann á líka brandarann um uppáhaldssögnina mína. Að frúka. Rétt upp hönd sá sem hefur einhvertíma frúkað. Lokaatriðið á listanum er setning sem er stundum sögð í fjölskyldunni og ég hlæ iðulega svo að henni að ég tárast. Maðurinn keik fyrir horn og sneit sér, þá hran húsið og þá braus hann. Be that as it may að ég hafi undarlegt skopskyn en djöfull þykir mér þetta fyndið. Álíka góður brandari og af sama meiði og þegar bróðir minn beygði sögnina að kúka sterkt. Hvernig beygist sögnin kúka sterkt að þínu mati?

Iceblue - HöVi

Þegar ég var pínu lítil pæja dreymdi mig um að hitta hinn eina sanna Blue Eyes. Enginn hafði eins þýða rödd og Franky boy. Enginn var eins sjarmerandi og Hr.Sinatra. Ég dáði hann. Ég óx úr grasi en alltaf miðaði ég karla sem ég hitti við Frank. Enginn komst með tærnar þar sem hann hafði hælana þar til ég hitti Geir Ólafsson. Ó, sá draumur. Stimamjúkur og heillandi, hógværðin uppmáluð. Enginn hefur jafn hljómfagra rödd og Hr.Frank Sinatra en ef einhver kemst nálægt því er það Geir. Ég er sko ekki ein um að hafa þessa skoðun á goðinu. Það er bitist um hann, það get ég sagt ykkur. Þeir sem segja hann haldinn sjálfsdýrkun á háu stigi og raunveruleikafyrringu eru sko bara öfundsjúkir nöldurseggir sem vildu óska þess að hafa það sem Geir hefur; mikla hæfileika og óbilandi trú á þeim. Blue Eyes Íslands kallar sig að sjálf sögðu Ice blue. Hann er ávallt tilbúinn að koma fram fyrir fólk, nánast hvar og hvenær sem er. Hvað þarf ég að gera til að hitta hann? Þennan ótrúlega performer, svo lipran með míkófóninn. Ég dái hann.

Skammstafanir

Þegar ég var yngri og í grunnskóla var nafn bekkjarins míns alltaf skammstöfun. Fyrst kom tala sem táknaði fjölda ára sem ég hafði setið á skólabekk og svo komut 2-3 bókstafir, upphafsstafir í nafni og föðurnafni umsjónarkennarans míns. Þannig var ég í 4.DF, 6.GM, 8.ÁM og 10.AJ. Þegar ég svo fékk minn eiginn fyrsta umsjónarbekk varð ég hálf klökk þegar ég sá skammstöfunina, 6.JN. Hlýjan sem streymdi um mig þegar nemendur mínir merktu bækur sínar, pennaveski, vinnublöð með þessu einkenni er ólýsanleg. Á langri og lærdómsríkri leið minni í gegnum lífið hef ég komist í kynni við ýmsar skammstafanir. EB, USA, KGB, MBF, FBI, HÍ, EES, CIA, FSu. Fáar veita mér þó jafn mikla gleði og ánægju og þær skammtafandir sem sjá má á lagi dagsins í dag og næstu daga. Getraun helgarinnar er þessi: Fyrir hvað standa þær skammstafanir? T.D. ELO?

Elskuhugarnir allir

Það er við hæfi að reikna smá þegar niðurstöður síðustu könnunar eru skoðaðar.
00%
1-429%
5-1314%
14-190%
20-3129%
32-370%
38-4514%
> 4514%
Að venju voru sjö þátttakendur í könnunninni. Einn hefur átt fleiri en 45 elskhuga. Einn gerði vitlaust. Enginn er hrein meyja/hreinn sveinn. Tökum meðaltal af hverjum valmöguleika. 2,5; 9; 25,5; 41,5; ∞. Leggjum saman og deilum. 2,5x2+9+25,5x2+41,5+∞ = ∞/7= ∞/7.Hvaða ályktun má draga af þessari niðurstöðu? Jú, að möguleikarnir á fjölda elskhuga sem hver einstaklingur getur hafa átt um ævina eru óendanlegir. Gangið hægt um gleðinnar dyr, keyrið varlega um þjóðvegi landsins, viðhafið þolinmæði ef þarf að fara í gegnum Selfoss. Góða helgi.

Hvað meinarðu?

Þótt ég væri spámaður í föðurlandi hefði ég ekki geta séð svona langt inn í framtíðina og sagt fyrir um hvernig myndi rætast úr þessum frægustu Hollývúdd-börnum. Það kom sérstaklega á óvart hvað Suri Cruise er ósjálfstæð og heft ung stúlka. Foreldrar hennar, sérstaklega faðir hennar, eru eitthvað svo eðlilegir, afslappaðir og opnir að ég átti von á meiru frá henni.

Ítölsk tónlist

Flestir hugsa um Eros Ramazotti eða Vivaldi þegar þeir hugsa um tónlist frá landi hinna skapbráðu fótboltaleikmanna. Sú gerð ítalskrar tónlistar sem nær út fyrir landsteinana er yfirleitt væmin popptónlist eða mjög fáguð klassísk verk eftir löngu látna karla. Hver man ekki eftir Tiziano Ferro? Andrea Boccelli? Ein af uppáhalds hljómsveitunum mínum er ítölsk. Í henni eru fimm strákar, missætir. Samuel syngur, Boosta spilar á hljómborð og forritar tölvurnar, Ninja ber húðir, C.Max plokkar stengi og Vincio þrykkir bassanum. Allir fæddir og uppvaxnir í Torínó fóru þeir að spila saman 1996 og '97 kom fyrsta platan þeirra út, sem ber nafn sveitarinnar, Subsonica. Strax tveimur árum seinna kom svo Microchip Emozionale út, svo 2002 var Amorematico tilbúin og 2005 kom Terrestre. Mér finnst þeir bara ansi afkastamiklir, strax farnir í stúdíó að semja og taka upp lög á fimmtu breiðskífuna sem á að koma út í lok þessa árs. Textarnir eru allir á ítölsku og kannski sem betur fer því þeir eru frekar súrir. Tónlistin er elektrónísk á köflum og ógili(óður til systur minnar) flott. Eða það finnst mér.

Subsonica - Livido amniotico (live) Þetta er eitt af nýjustu lögunum þeirra, ég heyrði það fyrst í dag og féll í stafi. Það er örlítið mýkra en margt sem þeir hafa gert.

Pimpinn minn

Ég er með PIMP. Ég meina, hvernig á ung, glæsileg og mjög upptekin kona að geta staðið í því sjálf að koma sér á framfæri? Þess vegna er ég með pimp í því að lesa einkamálauglýsingarnar, sigta rugludallana úr á einkamal.is, fá símanúmer hjá sætum strákum sem hann sér úti á götu, hleypa myndarlegu körlunum að mér á skemmtistöðum en halda "the less fortunate" í hæfilegri fjarlægð. Mjög nauðsynlegt að hafa pimp. Það er svo mikið að gera hjá mínum að hann getur ekki bætt við sig viðskiptavinum en hér er einn sem er alltaf til í að hjálpa ungum konum í neyð.

Endursögn

Mi dispiace, devo andare ...

Ég trúlofaðist í júní eða júlí 1995. Ég var ástfangin upp fyrir haus en á leið til Ítalíu. Með uppsetningu hringa vildum við segja að þrátt fyrir þennan tímabundna aðskilnað ætluðum við alltaf að vera saman. Ég batt enda á allt saman í mars ári seinna. Ég var rétt 19 ára, í útlöndum, hafði eignast helling af ótrúlega skemmtilegum vinum og mér fannst það að eiga kærasta heima á Íslandi bara hefta mig. En Denis var ástæðan ... svona eftirá að hyggja.

Við Denis vorum dásamleg saman. Þá meina ég við vorum svo skemmtileg saman. Ánægð með lífið og tilveruna, frjáls og óháð ... og algjörir bullurassar, ég veit ekki hvort okkar var verra. En við vorum líka skotin hvort í öðru ... svo fór ég heim í maí. Ég skildi við hann á flugvellinum. Skildi eftir í brjóstvasanum á skyrtunni hans mynd af mér og miða sem á stóð „þetta er handa þér en það er ekki auðvelt að segja það sem ég get ekki sagt en þú munt ávalt eiga stað í hjarta mínu”. (kommon ég var 19 og vonlaus rómantíker). Ég grét alla leið til Lundúna.

Ári seinna fór ég út í heimsókn og í fyrstu var allt eins og það átti að vera, svo líkt og þruma úr heiðskýru lofti hætti Nene að tala við mig, hann snéri uppá sig og var einfaldlega leiðinlegur við mig. Ég auðvitað skildi ekki neitt í neinu, varð bara sár og fór heim í hálfgerðri ástarsorg. Ég hef enn ekki fengið skýringu ...

Ég fór sem Erasmus-nemi til Bologna 1999. Áður en ég fór til Bologna tók ég stutt stopp í Conegliano. Mistök. Ég hitti Denis, sem var svo ljúfsárt. Hann var komin með nýja. Þau keyrðu mig á lestarstöðina, við fengum okkur kaffi og ég beit á jaxlinn. Náði tæplega að halda andlitinu þar til lestin var lögð af stað. Tárin flæddu.

Ég fór til Rómar sumarið 2004. Skellti mér til Pieve að heimsækja Federicu en hitti Denis í leiðinni (dýralæknirinn kom um daginn að kíkja á einhverja belju (...) og kíkti á Gerði í leiðinni). It was nice, surreal but nice. Hittumst í klukkutíma. Hann var enn með myndina og miðann í veskinu sínu. Þegar við kvöddumst leit Nene í augu mín og sagði „láttu heyra í þér”. Hann settist uppí BMW-inn sinn og keyrði í burtu. Ég settist inn í bíl hjá Federicu og byrjaði að brynna músum.

Við hittumst ekki meira. Töluðumst við í síma tvisvar sinnum og skiptumst á nokkrum sms-um. Ég sagði við hann „Denis, í hvert sinn sem ég sé þig enda ég í tárum.” Hann svaraði því til að hann vissi það og ekki orð meir. Ég hafði ætlað til Pieve aftur til að hitta hann þar til á þessum tímapunkti. Ég fór ekki.

Mánuði seinna fékk ég skilaboð frá honum. „Veistu ljósið mitt ... það var virkileg synd að við skyldum ekki hafa hist ... kannski er það betra svona ... þrátt fyrir að undir niðri er ég ekki alveg sannfærður ...” (sai stellina, é stato un proprio peccato non esserci visti ... ma forse é meglio cosí ... anche se sotto sotto non é ne sia proprio sicuro ...)

Þynnka?

Það er ekki ónýtt að vera soldið þunnur á miðvikudegi. Það má alveg leggja merkingu í það ... ég er í sumarfríi. Á maður ekki bara að drekka bjór og gin þegar maður er í sumarfríi? Snúa sólarhringnum við? Fara svo á rúntinn og fá sér ís í brauði, ég meina, ís er megrandi!

Brúðkaupsafmæli

Afi minn og amma mín eiga 53ggja ára brauðkaupsafmæli í dag. Þau eru jafnaldrar, bæði fædd 1930. Þau voru skólasystkin, svo ég held þau hafi verið skotin hvort í öðru frá því þau muna eftir sér. Þau áttu heima í sömu sveit, bara mýrin á milli þeirra, Miklavatnsmýrin. Supertramp. Take a look at my girlfriend. She's the only one i got. Not much of a girlfriend. Never seem to get a lot.

here we go to the temple of consumption

Johan Renck fæddist í Svíþjóð 1966. Hann er ljósmyndari, málari, vinnur við leikhús, leikstýrir myndböndum. Hann er einfaldlega alheimstöffari. Það sem gerir hann að mesta gæjanum ever eru tónlistarmyndböndin sem hann hefur gert. Trippin með Robbie, She's Madonna með Robbie, Hung up með Madonnu, Nothing really matters með Madonnu, Love at first sight með Kylie Minogue, eitthvað drasl með Cardigans, Beyoncé, Chris Cornell og einhverjum fleiri minni nöfnum sem tekur ekki að telja upp hér ;o) Johan hefur líka gert auglýsingar fyrir H&M, Nike, Sagem, Ikea, Peugeot. Alheimstöffari. En ... Johan á sér alterego. Hann er StakkaBo. Þegar hann er StakkaBo er hann ekki bara alheimstöffari, heldur líka hljómsveitargæji og óboj óboj, do they turn me on! Ég meina, hver man ekki eftir lagi dagsins, Here we go agian? Nei, ekki here I go again on my own með Whitesnake. Here WE go again með StakkaBo.

Gleðilega þjóðhátíð

Ég eyði þjóðhátíðardeginum að sjálfsögðu á Selfossi. Hér er ég í góðu yfirlæti hjá ömmu og afa, fæ skyr frá Mjólkurbúi Flóamanna að borða og drekk kaffi á pallinum í sólinni. Köngulærnar una sér vel í þessu veðri, eins og ég. Það er bjart en ekki of heitt, eitthvað í kringum 15 stig. Fánar blakta við hún í flestum görðum sem hafa fánastöng. Þó ekki við Ártún 2. Dagskrá dagsins er með hefðbundnu sniði. Hestbak, löggan og slökkviliðið sýna bílana sína, reipitog og koddaslagur í sundlauginni, ungmennafélagskaffi, hátíðarmessa, skrúðganga (sem reyndar fer nýja leið þetta árið sökum hörmulegra aðgerða í miðbænum) og hátíðardagskrá í íþróttahúsinu þar sem verður fjallkona og fánahylling, að venju. Svo verður ball í kvöld. Ætli lögin Rabbabara-Rúna og Hæ hó jibbí jeijj verði sungin? Lifið heil!

Væntingar

Stjörnuspáin mín fyrir daginn frá Jonathan: "Blessed are they who have no expectations for they shall not be disappointed." But then, nor shall they get excited very often. Expectations can, it's true, get us into trouble. They can wind us up and colour our judgement to the point where we reject a reality for no other reason than that. It does not fit our fantasy. Yet, every so often, if only by fluke, an expectation is met. And, oh, what rare and wondrous joy! Not all your expectations will be met this weekend. But one will!"

Excessive excitement

Hann er í alvörunni alger töffaranagli sem kallar ekki allt móðursystur sína þó svo að útlitið gefi til kynna að hann sé góður strákur. Þegar ég hitti hann fyrst var sem mér væri þrykkt í gólfið. Ég var orðlaus og þið sem þekkið mig vitið að ég verð það sjaldan. Kemur bara fyrir þegar ég er nálægt gæja sem mér líst vel á. Ég kom ekki upp orði, stóð bara sem dáleidd. Þarna var hann kominn, gæjinn drauma minna. Meðalmaður á hæð og meðalmaður á herðakamb. Jarphærður, freknóttur og með fallegar hendur. Köld, grá augun stungu sér inn í innstu sálarkytrur mínar og ég missti andann augnablik. Hvar hafði hann verið allt mitt líf þessi töffari sem bauð ekki góðan dag heldur rumdi eitthvað óskiljanlegt grimmur á svip. Ég fékk skjálfta í hnén. Var þetta draumur? Gat þetta verið? Var ég excessively excited að hitta hann? Ég reyndi eins og ég gat að halda kúlinu, láta hann ekki sjá hvað nærvera hans kom mér í mikið uppnám. Einn tveir. Kartan er dul. Segir fátt og enn minna meikar sens. Hún dvelur löngum stundum í skugganum að þrykkja bassann ... eða bara hvað sem er nálægt þá stundina. Something - lagið okkar - lag dagsins. Njóttu þess beibí, hönkið mitt!

Reglur í maraþoni

  1. Einungis eru leyfð 3 netpróf á mánuði. Undanteknar eru frá þessu færslur sem fjalla um netpróf eða niðurtsöður þeirra.
  2. Einungis eru leyfð 2 mynbönd frá youtube.com á viku nema um sé að ræða myndbönd sem Nornin hefur sjálf gert.
  3. Hver færsla verður að telja í það minnsta 103 bókstafi eða tölustafi. Bil á milli orða og greinamerki teljast ekki með.
Ólíkt því sem ég gerði í fyrr keppni, 800 metrunum, geri ég engar væntingar til athygglisgáfu vinkvenna minni nú.

Netpróf nr.1

Your Birthdate: March 24 You understand people well and are a natural born therapist. A peacemaker, people always seem to get along when you are around. You tend to be a father or mother figure to friends, even to those older than you. You enjoy your role, and you find that you are close to many people. Your strength: Your devotion Your weakness: Reliance on others for happiness Your power color: Lilac Your power symbol: Heart Your power month: June What Does Your Birth Date Mean?

Incomplet

Empty spaces fill me up with holes Distant faces with no place left to go Without you within me I can’t find no rest Where I’m going is anybody’s guess Þar sem ég stóð við eldhúsvaskinn og gekk frá eftir baksturinn fóru tárin að renna. Eins og venjulega var ég að hlusta á Backstreet boys við eldhúsverkin. Allt í einu fyltust augun tárum og ég sá ekki lengur þvottabustann og óhreint leirtauið í vaskinum. I’ve tried to go on like I never knew you I’m awake but my world is half asleep I pray for this heart to be unbroken But without you all I’m going to be is incomplete Hvað á stúlka til bragðs að taka þegar allir drengirnir hennar eru flognir burt, farnir sinn veg,? Mér féllust hendur, ég lagði frá mér bustann, tók svuntuhornið og þurrkaði mér um augun. Ég verð að vera sterk, hugsaði ég með mér. Voices tell me I should carry on But I am swimming in an ocean all alone Baby, my baby It’s written on your face You still wonder if we made a big mistake Minningarnar streymdu fram. Við höfum gengið í gegnum svo margt saman, strákarnir og ég. Muniði hvað þið hjálpuðuð mér þegar heimþrá sótti að mér þegar ég var á Ítalíu? Mannstu A.J., þegar þú fórt í meðferðina og við komum í heimsókn? Brian, hvað það var dásamlegt að gleðjast með þér þegar Brady fæddist. Þegar ég fór í MRI í fyrsta skipti. Ég hefði sko ekki getað það án ykkar. I’ve tried to go on like I never knew you I’m awake but my world is half asleep I pray for this heart to be unbroken But without you all I’m going to be is incomplete En við höfum alltaf minningarnar, er það ekki strákar? Getum hlýjað okkur við þær í ellinni. Svo á ég líka alla diskana sem þið hafið gefið út, já, líka Jesús-diskinn þinn Brian! Og öll myndböndin á DVD, líka þessi nýju. Vantar bara eitt, Drowning. En ég horfi þá bara á það á youtube.com I don’t mean to drag it on, but I can’t seem to let you go I don’t wanna make you face this world alone I wanna let you go (alone) I’ll try to go on like I never knew you I’m awake but my world is half asleep I pray for this heart to be unbroken But without you all I’m going to be is incomplete

Green Day - Give me Novacaine

Platan öll er æði en þetta er sennilega poppaðast af lögunum. Rosalega grípandi, ég heyrði það einu sinni og var húkkt. Brilljant ... eða snild eins og Tommi myndi segja.

Ný keppni

Hahaaaaa .. well now ... (svona eins og hann segir í upphafi The bad touch með Bloodhound gang) Var að fá algerlega brilljant hugmynd. Aðra keppni en nú er það ekki lengur 800 metrar heldur maraþon. Ég ætla enn að vera í kappi við fyrrnefnda vefsíðu. Maraþonið mun standa í 6 mánuði. Að þeim loknum, í lok ársins 2007, ætla ég að vera búin að ná fyrrnefndi vefsíðu og fara fram úr henni þó ekki muni nema einni færslu. Á ég að reikna? Gefum okkur að innlegg á fyrrnefnda síðu haldi áfram að vera 12 á mánuði að meðaltali (þó þeim fari nú fækkandi). Þá verða þau orðin um 330 þegar árið rennur sitt skeið ef hugarreikningurinn bregst mér ekki á ögurstundu. Sýna útreikninga? Já, sko 12 á mánuði í 6 mánuði eru 72. Stendur í 249 akkúrat núna. 249 + 72 = 321 + 6 (hálfur júní) = 327. Hvað þarf ég þá að skrifa mikið? Með þessari færslu eru komnar 72 á þessa síðu. Segjum að ég ætli að vinna með þremur færslum = 330. Þá segjum við 330 - 72 = 258 og deilum þeirri tölu í fjölda daga sem eftir eru í árinu => 285 / 196 = 1,45. Aha, tæplega ein og hálf færsla á dag eða þrjár færslur á hverjum tveimur dögum. Get ég þetta? Reglur? Á ég að hafa einhverjar reglur? Gilda ekki bara sömu reglur og í 800 metrunum? Kannski við bætum því við að ég megi ekki setja fleiri en tvö myndbönd af youtube.com á viku, nema um sé að ræða myndbönd sem ég hef gert sjálf. Hefur þú einhverju við þetta að bæta? Þú áttar þig á því að þetta er áskorun á ykkur hinar sem hafið aðgang að fyrrnefndir vefsíðu ...

Just want you to know

Looking at your picture from when we first met You gave me a smile that I could never forget And nothing I could do could protect me from you that night Wrapped around your finger, always on my mind The days would blend 'cause we stayed up all night Yeah, you and I were everything, everything to me I just want you to know that I've been fighting to let you go Some days I make it through and then there's nights that never end I wish that I could believe that there's a day you'll come back to me But still I have to say I would do it all again Just want you to know All the doors are closing I'm tryin' to move ahead And deep inside I wish it's me instead My dreams are empty from the day, the day you slipped away I just want you to know that I've been fighting to let you go Some days I make it through and then there's nights that never end I wish that I could believe that there's a day you'll come back to me But still I have to say I would do it all again Just want you to know That since I lost you, I lost myself No I can't fake it, there's no one else I just want you to know That I've been fighting to let you go Some days I make it through and then there's nights that never end I wish that I could believe that there's a day you'll come back to me But still I have to say I would do it all again Just want you to know That I've been fighting to let you go Some days I make it through and then there's nights that never end I wish that I could believe that there's a day you'll come back to me But still I have to say I would do it all again Just want you to know
The Backstreet boys

Postularnir

Simon Hafliði og Pétur Hannibal Fallegu drengirnir mínir eru flognir úr hreiðrinu á vit nýrra ævintýra. Það er alltaf erfitt fyrir móður að sjá á eftir afkvæmum sínum út í hinn stóra og kalda heim en einhver sagði að ef þú elskar eitthvað gefðu því frelsi. Ég grét í hjartanu og átti erfitt með þetta svo ég hringdi í góða vinkonu mína til að sækja til hennar styrk. Hún gerði sér lítið fyrir og bauðst til að fylgja mér í þessa hinstu ferð með drengina. Það var ómetanlegur stuðningur. Mikið var gott að sjá hvað þeir undu sér vel á nýja staðnum, þeir höfðu styrk hvor af öðrum á ókunnum slóðum innan um aðra stráka sem þeir þekktu ekki. Ef þeir eru eitthvað líkið mömmu sinni verða þeir fljótir að kynnast nýju sambýlismönnunum og eignast vini. Ég trúi því og það veitir mér styrk á þessum erfiðu tímum.

Þýðönd - þýðendur

Svona eru niðurstöður síðustu könnunar vikunnar, sem varð reyndar á endanum könnun hálfsmánaðar. Koma niðurstöðurnar á óvart? I grunnskola a Talknafirdi 14% Vid sulu. 14% Fararstjori a Italy. 29% Malfarsradunautur hja X-inu. 14% Thydandi og profarkalesari. 29% Nei. En ... ég er búin að fara í tvö atvinnuviðtöl og hvorugt starfið snýst um íslensku eða Ítalíu. Jú, kannski annað mætti næstum því tengja fararstjórn ef viljinn er virkilega mikill. En hitt ekki. Hitt krefst reyndar góðrar íslenskukunnáttu, þörf á þérun jafnvel. Spennandi, obboslega spennandi.

Hugh Laurie sem Prince George í Blackadder 3rd

Afmælisbarn dagsins er ótrúlega hæfileikaríkur maður. Hann spilar á píanó og gítar, syngur og dansar. Fyrir utan allt þetta getur hann leikið. Þá gildir einu hvort um er að ræða gamanleik eða drama, hann er alltaf jafn brilljant. Í þessu stutta myndsskeiði sem er í boði YouTube leikur afmælisbarn dagsins George. Það er Rowan Atkinson sem leikur Blackadder. Kudos til þeirra beggja. Ó, já, afmælisbarn dagsins er að sjálfsöguðu Hugh Laurie, sem tók upp á því á gamals aldri að leika bitran, hæðinn, bandarískan lækni.

Skemmtilegt í Skotlandi

Edinborg

Það er ofsalega gaman hér í Edinborg.

Never gone

Backstreet boys gáfu út mestöluplötuna Millenium 1999. Strax ári seinna kom Black&Blue en hún seldist ekki eins vel, kannski vegna þess að hún er ekki alveg jafn góð. Það var því löng bið fyrir okkur miklu aðdáendur BSB eftir næstu plötu. Þeir gáfu út safndisk með bestu lögunum 2001 og á honum var eitt nýtt lag sem náði gífurlegum vinsældum, lagið Drowning. En ekkert bólaði á nýrri plötu. Þetta var erfitt tímabil fyrir mig persónulega. Ég saknaði strákanna ofsalega mikið. Þurfti í sífellu að verjast sögusögnum um að þeir væru hættir, væru hommar, væru í dópi og misnotandi stúlkur undir lögaldri. En ég stóð þetta af mér og hélt áfram að vona. Svo gerðist það. Í júní 2005 kom nýja platan loksins. Við höfðum beðið í fimm löng ár. Platan var komin. Eftir alla þessa bið kom hún og hvað nafn fékk hún? Never gone! Alveg eins og strákarnir, sem yfirgáfu okkur aldrei. Lag dagsins er bæði fyrir strákana og mig. Þó svo ég sé á erlendri grundi að drekka bjór þá er ég Never gone, ávallt hér, nær sem fjær. Góðar stundir.

How can you just leave me standing?

Það er alltaf svo fullnægjandi að finna svona gullmola. Góður dansari, Prince. Svo góður dansari.

Game TíVí

Var að horfa á síðasta þáttinn í seríu þrjú af Game TíVí á Skjá einum. Rosalega skemmtilegir þættir. Vel skrifað handrit og aðalleikararnir svo sniðugir og heillandi. Mér til mikillar hrellingar eru þeir farnir í sumarfrí. Koma ekki aftur fyrr en í haust. Getur ekki einhver komið mér á deit með öðrum hvorum þeirra? Mér er alveg sama hvorum. ~~~ Er að lesa bók(já, það er í frásögur færandi). Kolbrún vinkona mín lánaði mér hana þegar ég veiktist fyrir einu og hálfu ára. Ég las hana ekki þá. Mér finnst ekki úr vegi að nota tækifærið eftir veikindin núna að lesa hana. Ég er mjög þakklát fyrir að hafa byrjað á bókinni og ekki skilað henni ólesinni. Hún er æðisleg. The food of love eftir Anthony Capella. Er skrifuð á ensku. Gerist í Róm. Er um mat. Ítalskan mat. Svo það eru ítölsk orð innanum. Ummmm, góð fyrir bragðlaukana. Oh, verri fyrir Ítalíu-nostalgíuna. Ah, góð fyrir málfræði-fanatíkerinn í mér (hjálp - finn ekki gott íslenskt orð fyrir fanatic). Ofsalega mikið af aukasetningum, aukasetningum í aukasetningunum og rómanskri málýsku. Ahhhh.

"And life was nothing but an awful song"

brill! Nú tsrúmmum við þetta bara og hlustum á lag dagsins sem er með barnaníðingnum R.Kelly. Reyndar er þetta eitt af uppáhalds- lögum Hönks vikunnar. Segir kannski meira um hann en mig?

Hönkið hennar Halldóru*

Eða er hönk karlkyns orð? Á ég að segja hönkinn? Alla vega, þá hafa Halldóra og "hann" verið í valdabaráttu í næstum tvö ár núna. Hún er að temj'ann, ala hann upp, og það gengur ekki betur en sæmilega hjá henni því hann er þrjóskur sem Naut og frekar erfiður í taumi, þungstígur og alvarlegur karakter sem stekkur varla bros þegar mikið er að gera. Hann er samt ekki algerlega húmorslaus, sem betur fer. *Halldóra er gesta-hönkari þessa vikuna.